Ronaldo afanya kituko baada ya Manchester United kufunga gori mbili

 

MANCHESTER, ENGLAND. MASHABIKI wa Manchester United, wamemjia juu staa wa timu hiyo Cristiano Ronaldo, baada ya kuondoka uwanjani huku akiwa na hasira wakati mechi ilipokuwa ikiendelea dhidi ya Tottenham usiku wa kuamkia jana uwanja wa Old Trafford, licha ya kubaki dakika chache tu mchezo huo umalizike.
Ronaldo alikasirika baada ya Erik ten Hag kumpotezea na kutomchezesha dhidi ya Tottenham, mashetani wekundu wakitoka na ushindi wa mabao 2-0.
Kitendo hicho cha nguli huyo wa soka duniani kiliwakera mashabiki wa mashetani wekundu huko mtandaoni, wengi wakishinikiza Ronaldo aondoke kwani anamletea matatizo Ten Hag.
Shabiki mwingine aliandika ujumbe kupitia mtandao wa Twitter akisema ya kwamba Ronaldo ataleta mpasuko mkwenye timu kutokana na tabia yake, shabiki mwingine aliandika Mreno huyo ana utovu wa nidhamu na anajichafulia jina lake.
Kwa mujibu wa taarifa Baada ya mechi hiyo kumalizika Ten Hag aliulizwa kuhusu kitendo cha Ronaldo kuondoka uwanjani kabla ya mechi kuisha, Mholanzi huyo akasema wamuache kwani atadili na hii ishu. wakati huohuo imeelezwa Ten Hag atakaa na Ronaldo kuzungumza na kuweka mambo sawa.
Kitendo hicho cha Ronaldo kuzira kimetokea siku chache tu baada kuonyesha utovu wa nidhamu kwenye mechi ya Ligi Kuu England dhidi ya Newcastle baada ya kufanyiwa mabadiliko.
Kwa wa upande Ten Hag alikemea kitendo hicho akisisitiza kila mchezaji anapenda kucheza dakika ya 90 aidha kuna wakati mwingne kocha analazimika kufanya hivyo.
“Sidhani kama kuna mchezaji anapenda kutolewa hususan Ronaldo, naelewa hali halisi lakini usionyeshe wazi wazi, kwa upande wake anaamini ameonyesha kitu na anastahili kucheza dakika zote asizidishe sana," alisema Ten Hag
Man United ilionyesha kiwango bora usiku wa kuamkia jana dhidi ya Tottenham iliyokuwa bora msimu huu.Sasa vijana wa Ten Hag watamenyana na Chelsea kwenye mchezo mwingine wa Ligi Kuu England utakaochezwa kesho Stamford Bridge.